Girls Ministry

  అప్పుడు నీతి న్యాయములను యథార్థతను ప్రతి సన్మార్గమును నీవు తెలిసికొందువు - సామెతలు 2:9 నీవు దేనిని ఎక్కువ విలువైనదిగా చూస్తావు? నీకు ప్రాముఖ్యమైనది ఏది?  నీవు బహిరoగంగా చేసే ఎంపిక నీ అంతరంగిక స్వభావాన్ని ఏ విధంగా తెలియజేస్తుంది?  అందరూ చూసే విధంగా ఘనంగా ఉండాలని ఆశిస్తున్నావా? ఎవరూ చూడనప్పుడు నీవు ఏవిధంగా ఉంటున్నావు? నీ అనుదిన జీవితంలో అత్యున్నత విలువలతో జీవించాలని దేవుడు కోరుకుంటున్నాడు ఆదిమ క్రైస్తవులు ఒక ఉద్దేశాన్ని కలిగి జీవించారు.  దేవునితో గల వారి సంబంధము వారి జీవితాలను నిర్ధేశించింది. వారికి ఏ విషయాలు ముందు చేయాలి అనే ప్రాధాన్యతల పట్టిక వారికి లేదు కాని వారు దేవునితో గల తమ సంబంధముతో తమ అనుదిన జీవితాన్ని ఆయన ఎంపికకు అనుగుణంగా జీవించారు. ప్రాధాన్యతలు అనుదినం మారతాయి కాని విలువలకు ప్రాధాన్యం ఇవ్వాలి మన జీవితంలో నీ ప్రాధాన్యతలు క్రీస్తులో నీ పరిణితిని తెలియజేస్తాయి    ...

  వారు నానాటికి బలాభివృద్ధినొందుచు ప్రయాణము చేయుదురు కీర్తనల గ్రంథము  84:7 బైబిల్ లో శక్తివంతమైన మహిళలను అనేకమందిని చూస్తాము. శారా, దెబోరా, ఎస్తేర్ , ఫీబే,యేసు తల్లి మరియ మొదలగువారు. వీరందరూ దేవునితో సహవాసము ద్వారా వచ్చిన శక్తిని, తలాంతులను ఇతరుల సేవకై వాడారు. దేవుని ప్రజలు బలవంతులని బైబిల్ తెలియజేస్తుంది. మానవులముగా బలహీనులమైనప్పటికీ మనలను దేవుడు తన పనికై అంగీకరిస్తాడు. మన బలాన్ని మించిన శక్తిని దేవుని వద్ద నుండి పొందుకోవాలి. దేవుని నుండి వచ్చే జ్ఞానము, శీలము, ఉద్దేశముతో కూడిన బలాన్ని నీవు కలిగి ఉండాలి. ఈ దినాన నీవు ఎటువంటి శక్తిని కలిగి ఉన్నావు? నీ తలాంతులను కుటుంబానికి మరియు సమాజానికి ఏవిధంగా ఉపయోగిస్తున్నావు? దేవుని నుండి నీకు కావలసిన శక్తిని పొందుకుంటున్నావా? నీ విశ్వాసం గురించి ఎటువంటి పరిస్థితి లోనైనా దృఢంగా ఉంటున్నావా? నీ బలహీనతలో దేవుడు నీకు తన శక్తిని ఇస్తాడనే నమ్మకం నీకు ఉందా? నిస్సహాయ స్థితిలో ఉన్న వారికి సహాయం చెయ్యి బలమైన విశ్వాసం గల స్త్రీల జీవితగాథలను చదువు నీ బలాలను మరియు బలహీనతలను సరిచూసుకో ఆమె నడికట్టుచేత  నడుము బలపరచుకొని చేతులతో బలముగా పనిచేయును సామెత...