పాత్రవు నీవమ్మా - Song

 

పాత్రవు నీవమ్మా   -  పాత్రవు నీవమ్మా

ప్రభుని పాత్రవు నీవమ్మా

పరిశుద్ధమైన , ఘనమైన  పాత్రవు నీవమ్మా !

1. శారా వలె నీవుండాలి – ఆసక్తితో ప్రభుని సేవలో 

ఆతిథ్యం  నీవివ్వాలి  –  అందరికీ అన్నివేళలా  

జనముల తల్లివి నీవమ్మా  - జనముల రాజులు నీనుండే వస్తారమ్మా

2.  ఎస్తేరు వలె నీవుండాలి – ఆత్మీయమైన సౌందర్యంతో

ప్రార్ధనలో పోరాడాలి  –  అన్నిటికై అన్నివేళలా

రాజనగరులో నీవున్నావమ్మా  - నశించిపోయే జనులకు తోడుండాలమ్మా

3. దెబోరా వలె నీవుండాలి – ధైర్యంతో దేవుని సేనలో 

శత్రువుని  ఓడించాలి  –  అజేయుంగా అన్నివేళలా 

న్యాయాధిపతివై నీవున్నావమ్మా – విశ్వాసులను తల్లివై నడిపించాలమ్మా

4. మరియ వలె నీవుండాలి – స్థిరమైన విశ్వాసంతో

రక్షకుని అందించాలి –  అవనిలో అందరికి అన్నివేళలా 

పరిశుద్ధoగా జీవించాలమ్మా – ఆశీర్వదించబడినదానవు నీవవుతావమ్మా

5. జ్ఞానం కలిగి నీవుండాలి – ఘనమైన పాత్రగా నీవవ్వాలి  

సత్కార్యానికి సిద్దపడాలి –  అర్హురాలిగా అన్నివేళలా 

ఇంటా, బయటా  ధన్యురాలిగా నీవుండాలమ్మా – ముత్యం కంటె అమూల్యం నీవవుతావమ్మా

(2019 GMD WORKSHOP నిమిత్తం ఈ  పాటను రాయడం జరిగింది. Suno AIఉపయోగించి సంగీతాన్ని సమకూర్చాను. మీకు అనువైన బాణీలో ఈ పాటను పాడుకొని దేవుని మహిమ పరచాలని కోరుతున్నాను -రూత్ వినయ్)